ALTER M

Miren Ermuako DJa da eta Dark Box-eko egoiliarra. Txikitatik harreman estua izan du musika elektronikoarekin, eta bere ibilbidearen hasieratik binilo formatua aukeratu du adierazpide nagusi gisa. Bere soinua erritmo sakon, abstraktu eta indartsuek definitzen dute, eta Technoa (bereziki Deep eta Hypnotic estiloak) da gehien lantzen duen generoa. Aldi berean, industrialaren eta EBMaren eraginak bere musika-identitatea aberasten dute, bere saioei estetika ilun eta energetikoa emanez.

Bere ibilbideak erreferentziazko areto eta ekitaldietara eraman du, hala nola Cave Underground, Dabadaba, Jimmy Jazz, Bilborock eta Dantz Point, besteak beste. Era berean, tokiko zein nazioarteko proiektuekin kolaboratu du, besteak beste DLC Kultur, Neuralgika eta Intergalactic FM nabarmenduz.