FRANCES BE

Frances Be-ren iruditeria musikala Detroit, Amsterdam eta Berlin artean kokatzen da. Ñabardurez betetako unibertso bat da, itzalei bizia ematen diena eta musika elektronikoan hain ohiko bihurtu diren mugak lausotzen dituena. Kabinatik kontatzen den mundu bat, non erritmoaren gidaritza four on the floor batek hartzen duen, osotasunari zentzua emanez.

Technoaren abiaduran eta iluntasunean aurkitzen du Frances Bek lasaitasuna. Kluba da bere habitat naturala: clubberra eta DJa elkartzen diren espazioa. Izan ere, Frances Bek asko maite du pintxatzea, baina baita erritmo azkarren bidez technoa, bass, UK Garage, trance eta electro-a nahasten ari denean ere, bere helburu bakarra dantzaraztea da.

Bere naturaltasunak eta eszenatokian duen segurtasunak liluratzen du, eszenarik zorrotzenetan egotea erraza balitz bezala erakutsiz. Bere techno estilo propio eta zabala defendatzen du, eta bere ibilbide musikala berak irudikatzen duen moduan gidatzen du.

Frances Be KRII kolektiboaren sortzaileetako bat eta funtsezko kidea ere bada. Kolektibo horrek festak, tailerrak eta hitzaldiak antolatzen ditu, zaintza eta komunitatea erdigunean jarriz; bertan musika elektronikoa emakumeekin eta genero disidenteekin elkartzen da, tokiko eta nazio mailako eszena musikalaren garapenean eraginez.