Info & Faq

Ur edangarria festibaleko hainbat gunetan aurkituko duzu dohainik.

Adin nagusikoentzako ekitaldia da (+18), igandean izan ezik. Adingabe bat bertaratuz gero, adingabeen baimen-orria beteta ekarri beharko du antolakuntzari e-mail bat bidaliz: harrikadafestibala@gmail.com

Ez dugu inolako jarrera sexista, homofobo, transfobo, arrazista edo lodifoborik onartuko. Harrikako kide batzuk besoko disdiratsu bat eramago dugu. Edozein unetan deseroso sentitzen bazara, bila gaitzazu. Horretarako gaude.

Eskudirutan edo txartelarekin egindako ordainketak onartuko ditugu. Gunean ez da kutxazain automatikorik egongo.

Sarrerak MUSIKAZE-n baino ez dira egongo eskuragarri. Behin sarrera erosita, ezin izango da itzuli, ezta aldatu ere. Esparruaren sarreran egingo den kodearen lehen irakurketa soilik izango da baliagarria.

Aldez aurretik erosteko gomendatzen dizugu. Herrian zehar zein txiringitoan saltokiak aurkituko dituzu.

Erabat debekatuta dago edozein motatako sua egitea. Kontuz ibili zigarrokinekin eta bota hautsontzietara.

Jaialdiaren tokia eta inguruak aurkitutako baldintza beretan utzi nahi ditugu. Jaso zure hondakinak behar bezala, ez bota zigarrorik lurrera, errespetatu natura, errespetatu jaialdian parte hartzen duten guztiak eta haien pribatutasuna. Elkar zaindu.

Barrako kontsumoa funtsezkoa da festibalaren finantza-iraunkortasunerako. Horregatik, jaialdira edari alkoholdunak ez ekartzeko eskatzen dizugu. Festibal gunean edarien kontsumoa gure barretatik egin mesedez. Bidezko prezioei eutsiko diegu.

Izarrako Txiringitoak Harrikada Festibalarekin elkarlanean hainbat eskaintza izango ditu: bertako janari tradizionala, plater konbinatuak, aperitiboak, pizzak, frutak, aukera osasungarriak, beganoak eta begetarianoak.

Zaintza Harrikada Festibalaren ardatz nagusia da. Pertsonen arteko elkar zaintza ezinbestekoa da, eta beraz, ulertu festibala osotasun kolektibo bat bezala. Norbait egoera berezi batean ikusten baduzu, galdetu laguntza behar duen, berarekin gelditu eta beharrezkoa izanez gero festibaleko antolakuntzarekin harremanetan jarri. Festibala aurrera atera ahal izateko bertan parte hartuko dugun guztiok sentitu behar gara babestuta eta hori soilik parte hartzaile guztien laguntzarekin lor dezakegu.

Abonoa erostearekin batera Izarrako igerilekua erabiltzeko aukera izango duzu doan festibalak irauten duen hiru egunetan zehar. Igerilekua 11etatik 20etara egongo da zabalik. Bertako arauak errespetatu eta zintzo ibili. Bertan dutxak dituzu ere.

Uztaileko azken asteetako tenperatura 12-30 °C artekoa izaten da.
Eguzkipean berotzen da egunez, baina gauez tenperaturak baxuak izan daitezke. Ekarri arropa freskoa egunerako eta arropa beroa gauerako. Kanpatzen ari bazara, ekarri manta gehigarri bat!

Bi aparkaleku bat egongo diraa festibalean parte hartzen duten guztientzat. Lehenengoa betetzen denean bigarrenera bideratuko dira autoak. Mesedez ez aparkatu autoa edozein lekutan, sarbideak libre gelditu behar dira larrialdien kasuetarako.

Bi kanpaleku izango ditugu. Bat furgonetentzat eta bestea kanpin-dendentzat. Kanpalekuak Abonoaren sarreraren barne daude, baita igerilekuko dutxak eta komunak ere.

Gogoratu furgoneten kanpina mugatuta dagoela, eta bertan gelditu ahal izateko FURGO/VAN txartela erosi beharko duzula.

Zoritxarrez, gure festibalaren izaera dela eta, Harrikada gunean ezin izango da maskotarik sartu.

Zure arrisku eta erantzukizunean sartzen zara. Harrikak ezin du bere gain hartu tokian gerta daitekeen kalte materialik.

Edozein motatako aniztasun funtzionala duten Harrikazale guztiak ongi etorriak dira Harrikadan. Gune fisikoari dagokionez, kontuan izan gunea belardi batean montatzen dugula eta horrek sarbidea eta mugimendua oztopa ditzakeela. Beraz, eta festibaleko egonaldia errazteko asmoarekin Abono bat eskaintzen dugu zaintzaile-laguntzailearentzat inolako gasturik gabe. Edozein motatako zalantzarik baduzu, jarri harremanetan gurekin helbide honetan: harrikadafestibala@gmail.com

Gure bezero eta langileen segurtasuna bermatzeko, eremura sartzerakoan zure poltsak erakusteko eskatu ahal dizugu. Mesedez, ez saiatu ekitaldira artikulu hauek ekartzen: edozein motatako likidoak, su artifizialak, laserrak, bengalak, alkohola, legez kanpoko drogak, animaliak (txakur gidariak izan ezik) edo erasotzeko armatzat har daitekeen beste edozein gauza.